ක්‍රීඩාව කියන්නේ බොහෝ දෙනෙක්ගෙන් මනසත් ශරීරයත් නිරෝගීව තියන්න පුළුවන් හරි අපූරු අංශයක්.එදා ඉඳන් අද දක්වාම ලංකාවේ නම බබලවන්න ලංකාව තුලින් බිහිවුණ ක්‍රීඩක ක්‍රීඩිකාවන් රැසක් හිටියා.ඒ නිසාම කාලයේ විකාශය වීමත් සමගම ලංකාවෙත් ක්‍රීඩාව සම්බන්ධයෙන් වෙනදාට වඩා බලධාරීන්ගේ අවධානය යොමු වෙලා.
එනිසාම වෙනදටත් වඩා වැඩි වශයෙන් ලංකාවේ දරු දැරියන් ජාත්‍යන්තරය නියෝජනය කොට ලබාගන්නා ජයග්‍රහණ ටික ටික වැඩි වෙන්නත් පටන් අරන්.එයාකාරයෙන් තොරතුරු තාක්ෂණ අංශයෙන් අංශයෙන් ශ්‍රී ලංකාවේ අපි ලැබූ සුවිශේෂී ජයග්‍රහණයක් ගැන තමයි මේ කියන්න සූදානම.
මෙවර තොරතුරු තාක්ෂණ ඔලිම්පියාඩ් තරගාවලියේ දී the international olympiad in informatic තරගාවලියේ දී ලංකාව ලෝකඩ පදක්කමක් හිමි කර ගැනීමට සමත් වුණා.
මේ තරගය පැවැත්වුණේ තිස් පස් වැනි වරට.එය හංගේරියාවේ දී පැවැත්වුණු අතර ශ්‍රී ලංකාව නියෝජනය කරමින් තරඟ කරුවන් සිව් දෙනෙක් ඒ සඳහා සහභාගි වුණා.එම කණ්ඩායම නියෝජනය කළ සිතිජ අභිෂේක් විසින් මෙම ලෝකඩ පදක්කම ලංකාවට හිමි කර දීම සිදු කළ අතර මේ තරගය සඳහා ලෝකයේ විවිධ රටවල් නියෝජනය කරමින් තරඟ කරුවන් තුන්සිය පනස් එක් දෙනෙක් සහභාගි වුණා.
1989 දී ආරම්භ කළ තොරතුරු තාක්ෂණ වලින් ඔලිම්පියාඩ් තරගාවලිය සඳහා ශ්‍රී ලංකාව 1992 සිට සහභාගී වන අතර 2007 වර්ෂය තෙක් තරගාවලියේ දී පදක්කම් ජයග්‍රහණය කිරීමටත් සමත් ඉන් අනතුරුව ජයග්‍රහණයක් ලබාගැනීමට ලබාගැනීමට හැකියාව ලැබුණේ නැහැ.
ඒ නිසාම වසර 16කට පසු ලැබුණු මේ ජයග්‍රහණය ලංකාවට තවත් සුවිශේෂී ජයග්‍රහණයක් වන බවට ශ්‍රී ලංකා කණ්ඩායමේ නායකයා ලෙස කටයුතු කළ ආදිත්ත නරසිංහ සඳහන් කරනවා.
ඉතින් ඉදිරියේදිත් මෙවැනි ම ජයග්‍රහණය ලංකාව කරා රැගෙන ඒමට ඔවුන්ට ශක්තිය ධෛර්යය ලැබේවා කියා අපි හදවතින්ම ප්‍රාර්ථනා කරන්නෙමු.
No comments:
Post a Comment